إحراج إنك فجأة تقعد و الكل يطالعك و الدكتور يطالعك من زمان ويسأل بخوف اللي حوالينك: "هي تعبانة ؟".. و يحتـرق وجهك و الدكتور يواصل: "فيكي تطلعي إزا بدك" و إنت تطالع و مستغرب، وتتساءل بينك و بين نفسك ويش اللي صار؟.. ليش الدكتور وقف الشرح و فجأة تنتبه إلى ان السبورة بدأت تمتلي و إنت آخر نظرة شفتها فيها كانت بيضة فاااضية !! و الكل يحسسك إنك تعبان لدرجة إنك توقف شوي و تفكر إييييه يمكن كان مغمى عليي ! لكن تدري في قرارة نفسك إنك شلاخ و إنك كنت نايم فيحترق وجهك أزيد و تبتسم ابتسامة التفشل اللي هي تشابه ابتسامة الخجل يعني ابتسامة كبيرة وعيونك على الأرض وتقوم تحمل اغراضك و تطلع من السكشن و الدمعة شوي و تطيح على خدك، جان من التفشل و الإحراج ما تعرف تفتح الباب اللي بالغصب و يوم جيت بتصكه ما قدرت و في جزء من الثانية مرت عليك كل صفحات الفيزيا أيام المدرسة و إن الباب ما ينصك بسبب الضغط داخل هوا قوي و برا مافي و ترد تفكر هل تفكيرك صحيح .. يعني هل إنت ذكي و فجأة تتذكر الموقف اللي مريت فيه قبل شوي و تهد الباب يولي و ركيض أينننننكِ سيارتي و تركب السيارة و تسوق 160 عشان توصل البيت بسرعة و تحصل احد تخبره باللي صار عشان تروح عنك الفشيلة جان تدش و في وجهك امك و توها بتستحمق عليك إلا جان تضحك عليك و ركيض للكمبيوتر و تكتب قصة حياتك اقصد نوومتك و تحطها في مدونتك لأنك واحد فاضي و ماعنده شغلة .. صدق جداً إحراج :$ !!!
و بس . خصلت القصة :S !
هناك ٨ تعليقات:
صارت فينى مره أيام الدراسه
لووووووووووووووول
صرت اذا تعبان أشرب القهوه السوده أو أغسل ويهى قبل المحاضره
تحياتى الحاره لك
المشكلة مو في التعب، المشكلة في صوت الدكتور و المقرر !
كانت نومة لطيفة لكن ..
شكرا ع وجودك
ههههههههه
هارد لك من النوع الزين ، وعلى طاري الباب ما ينصك بسبب الهواء " ذكريتيني بجامعة البحرين " وسكاشن الآداب والبزنس !
ومرة ثانية جلسي يم صديقاتش عشان لما تغفي عيونش ينبهونك .
" اعتقد صادني موقفك من اسبوع في محاضرة مع دكتور عراقي وذلك بان قال: اجيب لك بطانية، ومثل شعورك الذي راودني اسبوعٍ حتى المحاضرة الثانية لاعوّض فشيلتي بمشاركة فاعلة "
بالتوفيق
واحة خضراء/
بالضببط، اني كنت في الكلية الشقيقة كلية البزنز .. و أول مرة أدري ان الهوا و الباب شي شهير فيها !
مو المشكلة كنت قاعدة يم وحدة أعرفها لا قعدتني و لا هم يحزنون هاها !
هههه.. خلاص احمل مخدة وياك من يوم و طالع عشان تحلا النومة ^.^
كل التوافيق للجميع
looooool
تعيش وتنحرج :)
تعيشين وتاكلين غيرها إيمان ,
على عُمـري ..
مـا تشوفين شر بصراحة !
مـا قـط صادتني ،و الله لـا يحطني بهالموقف .!! لـأن قطعـاً بيبان في وجهي النوم و بيفشلوني حــــده !
إذا الشيء يواسيش ، تعرضنا لمواقف أخس و تفشلنا أكـثر ،، تعيشين و تاكلين غيرهـا حبابة :p
ههههههههههههههههه
موقف لا تحسدين عليه صراحة يلا تعيشين وتأكلين غيرها
إرسال تعليق