العد التنازلي لنهاية العطلة !

تدوينة قديمة نشرت في 2008/08/30

سنوياً اكون هالوقت أجرب مريولي و اقمصتي، بس السنة مافي مريول و لا أقمصة و لا جوتي رياضة و لا شنطة مدرسة !
السنة ما في مدرسة !
فجأة كبرت !!!
و .. نظم معلومات إدراية و جامعة البحرين
واختلاط و ناس ناس ناس وااجد و كلهم غريبين !
أشك إني بقدر اتنفس !!
ما أحب النااس .. شلون بعيش وياهم على بعد طاولة و كرسي !!
المشكلة ان صخير و اللي ما يعرف صخير هي منطقة في البحرين بعيدة جداً عن توبلي و اللي ما يعرف توبلي هي قرية في البحرين مقدسة جداً و جميلة جداً و فيها خليج توبلي المدفون و اللي يكون وره بيتنا بمسافة مو قليلة و لا كثيرة و اللي كنا نرمي في الضحايا قبل لا يصير ضحية !
المهم، صخير بعيدة جداً جداً جداً .. و متعبة و اني الليسن لهلأ ما اخذته .. اخذت الكجة و قعدت !!
مافي مدربات و الوالدة معنصصة في سالفة المدربين !!
بتخلص العطلة / مافي نوم !!
مافي نوم مااافي نوووم :(
بروح انام
تمسون على خير

طالبة جامعية / سنة ثانية :)